Hinagap
Print E-mail
Tuesday, 16 March 2010 00:22
Kaka-Hinagap

Kahirapan
  Doon po sa aking bayang sinilangan,
Maraming hikahos hanggang kamatayan;
Said sa pagkain, saplot, kalusugan,
Karununga’t mga ibang kailangan!
***
Alipin ng hirap nasa milyon-milyon,
Tulad din sa ibang mga bansa ngayon;
Ang kalalagaya’y karaniwang gayon,
Laging kahig-tuka sa buong panahon!
***
Tanglaw ay naglaho sa gitna ng dilim,
Kawalang pag-asa, sa diwa’y natanim;
Kaya nga ang mga kapit-sa-patalim,
Karaniwang buhay bihag ng panimdim!
***
Dusang tinitiis, kurapsyon ang sanhi
Na dulot ng mga maitim ang budhi!

-Paquito Rey Pacheco

 

Have a comment on this article? Send us your feedback
 
More Articles...
<< Start < Prev 1 2 3 4 5 6 7 8 9 10 Next > End >>

Page 1 of 30