Kapalaran

Hindi inasahan,
kusang dumarating sa buhay ng tao;
Taglay karaniwan,
na handog sa lahat ay hindi mapiho!
                        ***
Palasak na kuro,
mga pangyayari’y kaloob ng langit;
Tulad ng siphayo,
na sukli sa isang wagas na pag-ibig?
                        ***
Dito sa daigdig,
dahil walang saplot nang tayo’y isilang;
Kaya nga ang pintig,
ng buhay at anyo’y mahirap hulaan!
                        ***
Dahil kapalaran,
kung may maligaya, iba ay malungkot!

Paquito Rey Pacheco