Daloy ng buhay

Ang bukal ng buhay,
sa ating daigdig, batis ng hiwaga.
Balong na makulay,
kasama sa agos ng mali at tama!
                          ***
Likas na maramot,
sila’y mapagkait, iba’y matulungin.
Ang taong masinop,
at mga bulagsak madaling mapansin!
                          ***
Ang mga mayaman,
sa kaginhawahan ay hindi hikahos.
Sa ating lipunan,
dukha ay bihasa sa dalaw ng lungkot!
                          ***
Ang kaligayahan,
malimit mawangki sa ibong labuyo!

Paquito Rey Pacheco