|
Thursday, 01 October 2009 00:17 |
 | Lunas | | | Tulad din ng gamot sa may karamdaman,
Sa malabong tanong, sagot ay malinaw;
Ang pahihikahos ay malulunasan,
Kung sipag at sinop ang pinupuhunan!
***
Bawa’t suliranin ang hanap ay lunas,
Buhay ay gaganda sa taong masipag
Sakaling maraming binihag ng hirap,
Ang magpapalaya ay sariling sikap!
***
Dahil sa baluktot na pamamahala,
Pag-asa ng bayan ay naglahong kusa;
Mababalik lamang ang pagtitiwala,
Kung ang hahalili ay hindi sugapa!
***
Bihirang mag-away ay nagkakasundo,
Malimit magbangay ay nagkakalayo! -Paquito Rey Pacheco |
|
