Aries (March 21- April 19)
Ito ang panahon na wala kang problema. Basta positibo ang iyong isip at iwasan mo ang mag-isip ng masama tungkol sa iba ay aamo sa iyo ang magandang kapalaran. Bubuti rin ang iyong pakiramdam dahil maayos ang iyong pagkain at isip. Best days mo ang ika-16, 17, 25 at 26. Ingat sa ika-23, 24, 29 at 30.

Taurus (April 20 – May 20)
Kung nabigo ka sa una o ikalawang pag-ibig, bigyan mo ng pagkakataon ang tao na malapit sa iyo at mahal mo rin naman. Mag-ingat ka sa paggasta dahil maraming mas dapat kang paglaanan ng iyong pera. Pakinggan mo ang iyong kutob. Masuwerte ang ika-19, 20, 27 at 28. Kuwidaw ka sa ika-25, 26 at 31.

Gemini (May 21 – June 20)
Magiging maramdamin ang mga malalapit sa iyo – maaaring matalik mong kaibigan o romantic partner. Bantayan mo ang mga sasabihin mo, pati na facial expression mo dahil sensitive siya ngayon. Manahimik ka na lang, lilipas din ang problemang ito. Best days ang ika-21, 22, 29 at 30. Alalay lang sa ika-27 at 28.

Cancer (June 21-July 22)
Buwenas ang Marso sa iyo lalo na sa negosyo o finances mo. Masaya ka at masaya rin ang mga nakapaligid sa iyo. Bawasan mo ang stress sa buhay mo dahil baka maapektuhan ang iyong puso. Bayaan mo lang ang pag-ibig, hindi pa panahon. Mapalad ka sa ika-18, 19 at 28. Careful sa ika-16, 17, 29 at 30.

Leo (July 23 – Aug. 22)
Kung sa palagay mo ay ikaw ang dapat maging lider sa inyong samahan, isaisip mo na ang responsibilidad na iyun ay upang magsilbi sa kanila, hindi para sumikat ka. Kailangan mong ayusin ang iyong pakikisama sa mga tao upang igalang ka nila. OK ang ika-16, 17, 25 at 26. Ingat sa ika-19, 20 at 31.

Virgo (Aug. 23 - Sept. 22)
Mag-ingat ka kung ikaw ay nagmamaneho dahil maraming hindi maingat sa pagmamaneho nila. Ingatan mo ang kalusugan lalo na ang iyong paa. Kung may masakit ay kumonsulta ka agad sa doctor dahil baka lumala ang sakit mo. Best days mo ang ika-19, 20, 27 at 28. Stressful sa iyo ang ika-21 at 22.

Libra (Sept. 23 – Oct. 22)
Kung single ka ay mapapalapit ka sa isang tao na baka magustuhan mo. Alalahanin mo na hindi mahalaga ang panlabas na anyo. Mas mabuti ay makipagkaibigan ka muna sa kaniya. Maayos ang trabaho mo, wala kang dapat alalahanin. Best days ang ika-21, 22, 29 at 30. Mag-ingat sa ika-16, 17, 23 at 24.

Scorpio (Oct. 23 - Nov. 21)
Magiging maramdamin ang iyong mahal sa buhay ngayon. Isang ngiti o isang ismid ay makaka-apekto agad sa kaniyang damdamin anumang araw. Iwasan mo ang magpakitang giliw sa ibang tao kapag nakikita ka niya upang maiwasan ang gulo sa relasyon. Ayos ang ika-18, 19 at 28. Kuwidaw sa ika-19, 20, 25 at 26.

Sagittarius (Nov. 22 – Dec. 21)
Makisama ka nang maayos sa mga nakapaligid sa iyo. Hindi ka palaging masusunod kaya huwag kang magugulat kung iiwasan ka nila. Kailangan mo ang malakas na self-control, iwasan mo ang maging masyadong sensitive o emotional. Relax ka lang. OK ang ika-16, 17, 25 at 26. Ingat sa ika-21, 22, 27 at 28.

Capricorn (Dec. 22 - Jan. 19)
Palagi kang pagod kasi kulang ka sa tulog. Kung kailangan mong isara ang TV o computer sa gabi ay gawin mo dahil nalalapit ka sa sakit kung patuloy na pababayaan mo ang sarili. Sa ngayon ay pahinga ang kailangan mo. Maayos ang finances. Lucky ka sa ika-19, 20, 27 at 28. Ingat sa ika-16, 17, 23, 24, 29 at 30.

Aquarius (Jan. 20 – Feb. 18)
Kung balak mong magpakasal, iwasan mo ang taon na ito dahil hindi pa panahon. Bantayan mo ang kalusugan dahil marami kang dinaramdam. Magpatingin ka sa doctor, pati emotional health mo ay dapat mo ring patingnan. Best days mo ang ika-21, 22, 29 at 30. Alalay sa ika-19, 20, 25, 26 at 31.

Pisces (Feb. 19 – March 20)
Maganda ang iyong aura ngayon. Nakikita ng marami ang iyong kagandahan dahil wala kang mga bagahe sa utak o sa puso. Maganda rin ang iyong kalusugan. Kung single ka, pansinin mo ang isang tao na matagal nang nagmamahal sa iyo. Masaya ang ika-18, 19 at 28. Stressful ang ika-21, 22, 27 at 28.