Mario Maurer & Erich Gonzales
	Anne Curtis

Showbiz Extra • Nobyembre 1-15, 2012

Ni Issi Bartolome

Erich Gonzales at Mario Maurer – magkaibigan lang

Finally ay ipapalabas na rin ang movie nina Erich Gonzales at Thai heartthrob na si Mario Maurer, ang Suddenly It’s Magic under Star Cinema sa direksyon ni Rory Quintos. Maganda ang feedback dahil naging smooth ang paggawa ng nabanggit na pelikula. Sa magagandang tanawin ng Ilocos at Bangkok ang naging location ng movie kaya tuwang tuwa si Erich sa mga naging experience niya dito.

“Working with Mario was super fun. Napaka-professional niya at walang dull moments,” sabi ng magandang aktres tungkol sa kaniyang kapareha. Inamin ni Erich na mami-miss niya ang Thai Supestar pero hanggang friendship lang talaga ang namagitan sa kanila. “Wala pong ganoon dahil una pa lang, nakapag-usap na kami ng maraming bagay. Nalaman naming sa isat-isa na mayroon na siyang nine years relationship. Tapos ako naman tinanong niya, sabi ko I’m dating a non-showbiz guy.”

Marami tuloy ang nanghinayang na di nauwi sa romance ang naging pagsasama ng dalawa. Hindi naman ito nakaapekto kay Erich dahil ang mahalaga ay nariyan ang kanilang fans na sumusuporta sa kanila.

Anne Curtis – may sarili na ring brand ng perfume

Box office ang latest movie ni Anne Curtis na A Secret Affair kabituin sina Derek Ramsay at Andi Eigenman. Subalit hindi lang pelikula ang pinagkakaabalahan ng magandang aktres. Ngayon ay may sarili na rin itong brand ng perfume sa tulong ng Bench. Tatlong scents ang mga eau de toilette (EDT) ni Anne na pawang mga adjectives na nagde-describe sa kaniya Sweetheart, Glamorous at Fierce.

Sa ginawang launch ng nabanggit na eau de toilette sa SM Mall of Asia ay talaga namang sigawan at palakpakan ang sinalubong ng mga fans kay Anne. Hit sa crowd ang pagbirit ng aktres habang rumarampa sa stage. Excited siya na mapabilang sa Celebrity Scent Collection ng Bench. Ilan sa mga celebrity na may sarili rin EDT ay sina Kris Aquino, Coco Martin at Willie Revillame.

“Sobra akong unbelievably happy. You know, Bench is such a big brand. Tapos, finally ay part na rin ako nito,” sabi ng magandang aktres. Kinareer naman talaga ni Anne ang paggawa ng perfume dahil kasali siya sa proseso nito mula sa scents hanggang sa pagpili ng pangalan sa bawat isa. Nilinaw rin niya na eau de toilette lang muna ang inintroduce niya for Bench at hindi pa kasali ang apparel.