Published on

Showbiz Extra • Disyembre 1 – 15, 2014

Ni Isagani Bartolome

Metro Manila Film Festival – Inaabangan ng mga fans

english.only.please bonifacio.movie
my.big.bossing shake.rattle.roll.xv

Walong malalaking pelikula ang mapapanood sa darating na Metro Manila Film Festival na taunang ginagawa tuwing December 25.

Nanguguna sa listahan ng inaabangan ay ang My Big Bossing nina Vic Sotto at Ryzza Mae Dizon. Excited si Aling Maliit dahil tatlong charater ang ginagampanan niya sa My Big Bossing. Makakasama nila Bossing at Ryzza sina Marian Rivera at Pauleen Luna.

Ang entry ni Kris Aquino na Feng Shui ang isa sa mga horror movie na inaasahang tatabo ng husto sa takilya. Kasama ng Queen of all media si Coco Martin.

Mahilig sa horror ang masang pinoy kaya karamihan sa kalahok na pelikula ay may ganitong tema.

Ang Shake Rattle & Roll XV ng Regal film ni Mother Lily ay tiyak na dudumugin ng tao sa darating na festival. Umaasa ang Regal Matriach na susuportahan ng manonood ang movie niyang ito. Kabilang sa cast sina Lovi Poe, Mateo Guidicelli, Carla Abellana, JC de Vera, Dennis Trillo at Erich Gonzalez.

Sa unang pagkakataon naman ay magsasama sina Vice Ganda at Bimby Aquino sa The Amazing Praybeyt Benjamin. Last year ay number one ang movie ni Bimby kaya tiyak na sapol nito ang mga batang manonood ngayong festibal.

Isa pang horror movie ang handog naman ni Dingdong Dantes – ang KUBOT…The Aswang Chronicle. Maganda ang feedback sa pelikulang ito ni Direk Erik Matti na kilala sa paggawa ng kakaibang special effects sa kaniyang pelikula. Leading lady ni Dingdong Dantes si Isabelle Daza.

Ang action film ni Robin Padilla na Bonifacio ay isa rin sa inaabangan sa darating na festival. Ayon sa report ay big budgeted ang movie na ito ni Binoe kabituin si Vina Morales.

Kasama rin sa walong kalahok ang nag-iisang comedy picture na English Please Only nina Derek Ramsay at Jennylyn Mercado.

Magnum Muslim 357 naman ni ER Ejercito at Sam Pinto ang isa pang action film na kabilang sa MMFF.

Ang tanong ay alin kaya sa walong pelikulang kalahok at mangunguna at tatabo ng husto sa takilya? Abangan.

Have a comment about this article? Send us your feedback.