Published on

   Julia 03
 
Julia Barretto
  julia.dennis
 
Julia Barretto & dad Dennis Padilla

Showbiz Extra • Marso 1 – 15, 2015

Ni Isagani Bartolome

Julia Barretto – Muling pinag-uusapan sa social media

Pinag-uusapan ng mga netizens sa social media ang recent picture na ipinost ni Julia Barretto sa kaniyang Instagram (IG).

Sa naturang kuha ay masayang magkasama ang mag-amang Dennis Padilla at Julia. Nag-effort ang teen star na mag-reach out nang puntahan nito ang ama para personal na ibigay ang debut invitation. Nilagyan niya ang IG picture ng caption na: “Papa being his comedian self.”

Matatandaang nagkaroon ng hindi pagkakaunawaan ang mag-ama nang tinutulan ni Dennis ang gusto ng mag-inang Marjorie at Julia na tanggalin ang apelyidong Baldivia, at Barretto na ang gagamiting family name ng teen star.

Marami ang nagsasabi sa IG post na iyon na mukhang gumigimik lamang si Julia dahil sa nalalapit nitong debut sa Marso 10.

Inaasahang magiging talk of the town ang 18th birthday ng Kapamilya star na gagawin sa Rizal Ballroom ng Makati Shangri-la. Wala umanong media na invited sa nasabing okasyon at magpapadala na lang umano ng pictures sina Julia para sa mga hindi makakadalo sa naturang event.

Dahil mukhang nagkaayos na nga ang mag-ama ay marami tuloy ang nagtatanong kung pupunta na ito sa importateng araw ng kaniyang anak.

Hindi naman matatawaran ang puna at batikos ng mga bashers ni Julia sa social media. Marami ang nagsasabi na gusto lamang nitong pag-usapan siya dahil mukhang nauungusan na ito ng kaniyang mga kasabayan sa ABS-CBN.

Hindi na raw masyadong mainit ang pagtanggap ng mga tao kay Julia mula nang lumabas ang issue sa kanilang mag-ama noon.

Napag-iiwanan na raw ang dalaga ng kaniyang mga kapuwa teen star na sina Kathryn Bernardo, Janella Salvador at Liza Soberano.

May mga teleserye o pelikula na ang mga karibal niyang teen-stars sa kasalukuyan. Si Janella ay successful ang O My G. Ang Forevermore ni Liza ay mataas ang rating at super blockbuster ang latest movie ni Kathryn na Crazy Beautiful You.

May mga natuwa rin naman sa pagkakaayos ng mag-ama. Marami sa kaniyang followers na nawala noon ang muling nag-follow at nag-like sa kaniyang IG post lately.

Marami ang nagsasabi sa kaniya na huwag nang intindihin ang kaniyang mga bashers at pagtuunan na lang ng pansin ang kaniyang career at pamilya.

Umaasa ang kaniyang mga tagahanga na talagang nagkasundo na sila ni Dennis at hindi promo-promo lang para sa nalalapit niyang kaarawan.

Pati ang kaniyang Tita Claudine at Tita Gretchen ay inaabangan kung dadalo sa kaniyang debut. May alitan pa rin sa pagitan ng ina ni Julia at ng kaniyang Tita Gretchen hanggang ngayon.

Have a comment about this article? Send us your feedback.