Published on

Showbiz Extra • Pebrero 1 – 15, 2015

Ni Isagani Bartolome

   Chiz Escudero & Heart Evenagelista
 
Chiz Escudero & Heart Evenagelista
  John Lloyd Cruz
 
John Lloyd Cruz

Heart at Chiz – Ikakasal na!

Marami ang nag-aabang sa nalalapit na pag-iisang dibdib nang Kapuso actress na si Heart Evangelista kay senador Francis “Chiz” Escudero. Ang kasalan ay gaganapin sa Baselin Island na matatagpuan sa Quezon province, sa Pebrero 15, 2015.

Ayon sa report ang mahusay na fashion designer na si Monique Lhuillier ang gumawa ng wedding gown ni Heart. Nagkaroon ng fitting ang aktres ng magbakasyon ito sa Amerika kamakailan.

Masayang ikinuwento ng dalaga ang pagkakaroon nila ng bonding ng mga anak ni Chiz dahil nakasama nila ito ng magpunta sila roon.

Isa sa magiging ninong sa kasalang ito ay ang Pangulong Benigno “Noynoy” Aquino. Binubuo ng 15 pares ng ninong at ninang na kinabibilangan ng mga big bosses ng GMA Network na sina Atty. Felipe Gozon, Jimmy Duavit at Ramon Ang. Kabilang din si listahan ang big boss ng Viva Films na si Vic del Rosario. Malapit sa puso ng aktres si Boss Vic dahil Viva talent si Heart.

Sa showbiz naman ay kabilang sina Susan Roces at Bibeth Orteza sa magiging ninang ng magkasintahan. Inaasahan, magkikita sa event na ito sina Susan at Lovi Poe na anak ng yumaong Fernando Poe Jr. Isa si Lovi sa mga bridesmaids ni Heart.

Inamin din ng bride-to-be na emotional pa rin siya pagdating sa usapin tungkol sa kaniyang mga magulang. Kahit na okey na sila ng kaniyang ama ay medyo may hidwaan pa rin sila ng kaniyang ina na kasalukuyang nasa Amerika. Umaasa ang aktres na dadalo ang mga ito sa kaniyang kasal. Hindi pa kasi nagkakausap ang Senador at ang kaniyang ina. Naniniwala siya na sa mga darating na araw ay magiging mahinahon na ang lahat at magkakaroon na sila ng panahon na magkaayos.

Samantala, tiyak na kakanta ang singer na si Mark Bautista sa wedding of the year na ito. Nakabalik na ng bansa ang magaling na singer pagkatapos ng matagumpay na musical show nito sa London na Here Lies Love noong nakaraang 2014.

John Lloyd Cruz – Kapamilya pa rin!

Nilagyan na ng tuldok ang bulong-bulongan na lilipat na sa ibang network ang matinee idol na si John Lloyd Cruz. Kapamilya pa rin ang guwapong actor matapos pirmahan ang kaniyang three-year contract sa ABS-CBN nitong nakaraang Enero 22.

Bukod sa sitcom niyang Home Sweetie Home, inilahad din ni John Lloyd na may iba pa siyang proyekto na gagawin sa TV, maging sa pelikula. “Ang daming exciting na proyektong nasa paligid ko, nakaka-excite,” pahayag ng aktor. Bagamat hindi lubusang binigay ni John Lloyd ang mga detalye tungkol sa nakapila niyang mga proyekto,naibahagi naman nito na makakasama niya mula sa tig-isang pelikula ang mga dating naging katambal nito na sina Sarah Geronimo at Bea Alonzo. Naipahayag din ng aktor na nais din sana niyang muling makasama sa isang pelikula si Toni Gonzaga. Dumalo sa pirmahan ng kontrata ang presidente at CEO ng ABS-CBN na si Charo Santos-Concio, broadcast head na si Cory Vidanes, Star Creatives head na si Malou Santos, Star Magic consultant na si Johny Manahan, at talent management & development center managing director na si Mariole Alberto.

Have a comment about this article? Send us your feedback.